هَل ادب سان : نعت رسول مقبولﷺ
انبياءِ ٿا سر جهڪائن منهنجو يار، ڪو هلڪو نه آ.
اولياءَ هِت، انبياءِ هِت، ڇا چوان ڇا ڇا نه ڇا هِت،
خلق هِت آهي خدا هِت، هي دربار، ڪو هلڪو نه آ.
معراج واري رات ربّ ﷻ، جبرئيل کي چيڙو عجب،
وڃ رکج پيرن تي لب، منٺار، ڪو هلڪو نه آ.
يوسف فدا، موسيٰ فدا، آدم فدا، عيسيٰ فدا،
محبوبﷺ ربّﷻ جو دلربا، دلدار، ڪو هلڪو نه آ.
قرآن کي نازل ڪيو، منهنجي “مصطفيٰﷺ” کلندي کنيو،
پرور پهاڙن کي چيو، هي بار، ڪو هلڪو نه آ.
مان ۽ منهنجي، بات هلڪي، “وسيم” جي آ، ذات هلڪي،
پر نه آهي نعت هلڪي، اشعار، ڪو هلڪو نه آ.