مذهب

عشق جون آهون (حمد، مولود، مداحون ۽ ڪافيون)

ڪتاب ”عشق جون آهون“ اوهان اڳيان پيش آهي. نعتيه شاعري، حمد، مولودن، مداحن ۽ ڪافين تي مشتمل هن ڪتاب جو ثناء گو صوفي شاعر وسيم احمد ٽالپر جڏهن ته سنواريندڙ عاجز رحمت الله لاشاري آهي. هي ڪتاب 2017ع ۾ سنڌ سُگهڙ لوڪ ادب تنظيم (سلات) پاران ڇپايو ويو. ٿورائتا آهيون سائين عاجز رحمت الله لاشاريءَ جا جنهن ڪتاب موڪلي سنڌ سلامت ڪتاب گهر ۾ پيش ڪرڻ جي اجازت ڏني.
Title Cover of book عشق جون آهون (حمد، مولود، مداحون ۽ ڪافيون)

دنيا جي طلبن کان تنگ ٿياسون : نعت رسول مقبولﷺ

[b] طرز: دنيا کي ماکي مکڻ وڻي ٿو.[/b]

ٿلھ: دنيا جي طلبن کان تنگ ٿياسون
اسان “محمدي” ملنگ ٿياسون

دنيا جون آهن اکيون اسان ۾
اسان ته ايڪي جوانگ ٿياسون

سجائي پنهنجي پرين جي محفل
سڄي دنيا کان الڳ ٿياسون

خدا جو جلوو جنهين ڏيکاريو
انهن ولين سان سنگ ٿياسون

دنيا جي ماڻهن دنيا آ طلبي،
اسان پرينءَ جا پتنگ ٿياسون.

نه “وسيم” رتبو دنيا جو گهربو
اسان ته دلبر تي دنگ ٿياسون