ٻڌي تنهنجو سڄڻ عاشق : نعت رسول مقبولﷺ
ٻڌي تنهنجو سڄڻ عاشق، اويسي ڪَئين ٿيا هوندا،
تنهنجي ديدار لئه دلبر، پياسا پنڌ پيا هوندا،
تنهنجو نالو چپنَ چميو، ذڪر ظاهر زبانن ڪيو.
صحابن ورد تن من ۾، تنهنجا نالا ڪيا هوندا.
تنهنجي آمد جي منظر تي، مڪي جي عورتن مردن.
گهٽين، محلن ۽ گهرڙن ۾، سڀن ٻاريا ڏيئا هوندا.
مڪي ۾ ۽ مديني ۾، پرين توکي پسڻ خاطر.
ستارن چنڊ چوڏهين جي، پڪا پاتا لِيا هوندا.
سڄڻ ايندينء ڪڏهن ڪِنهن ڏينهن، اهيوئي آسرو آهي.
“وسيم” جهڙا ڪئين هتڙي، اميدُن تي جياءَ هوندا.