يتيمن سان محبت : نعت رسول مقبولﷺ
يتيمن سان محبت، ڪرڻ، تون ٿو ڄاڻين،
سوالين جون جهوليون، ڀرڻ، تون ٿو ڄاڻين.
جنهين دشمني ڪئي رکي خار کوٽن،
وڃي در تنهين جي، پڇڻ، تون ٿو ڄاڻين.
مٺا ماھ رجب ۾ وڃي رات هڪڙي،
سڀئي عرش آقا، گهمڻ، تون ٿو ڄاڻين.
وڃي طور موسيٰ ڪلامي ٿيو پر،
ٿي خدا سان ملاقي، ملڻ، تون ٿو ڄاڻين.
امّت ساڻ شفقت شفاعت نظر ڀي،
سڄو ڌيان پنهنجو، ڌرڻ، تون ٿو ڄاڻين.
جنهين ڏيئي ڏکڙا ڏکايو ڏکن سان،
تنهين کي دعائون، ڏيڻ، تون ٿو ڄاڻين.
سدا سڏ صدائن کان اڳي منهنجا آقا،
ڏکن ڏوجهرن ۾، اچڻ، تون ٿو ڄاڻين.
“وسيم” ٿي ثناگر ڪري ٿو ثنائون،
مديني جا مرسل، ٻُڌڻ، تون ٿو ڄاڻين.