سڄو نرمل نور : نعت رسول مقبولﷺ
سڄو نرمل نور، منهنجو آهي حضورﷺ.
ناهي دم هو دور، منهنجو آهي حضورﷺ.
پاڻهي رکندو خيال، ٻئي جي ڪر نه تون ڳالھ.
منهنجو آهي حضورﷺ.........
سڄي لوڪ ڏٺو هان، مان ته عيب چٽو هان.
منهنجو حاضر حال، ٻئي جي ڪر نه تون ڳالھ.
منهنجو آهي حضورﷺ.........
آ امام نبيّن جوﷺ، والي آهي سڀن جو.
سو لهندو سار سنڀال، ٻئي جي ڪر نه تون ڳالھ.
منهنجو آهي حضورﷺ.........
ازلون دلڙي اڙي آ، اکر چار پڙهي آ.
“ميم” “ح” “ميم” “دال”، ٻئي جي ڪرنه تون ڳالھ.
منهنجو آهي حضورﷺ.........
گوندر گهوٽ گهڙي آ، آيو موت چڙهي آ.
لڙي اچ لڄپال، ٻئي جي ڪرنه تون ڳالھ.
منهنجو آهي حضورﷺ.........
ڳالھ جنهن جي ڳري آ، جنهن لئه خلق چري آ.
تنهن جو ناهي مثال، ٻئي جي ڪر نه تون ڳالھ.
منهنجو آهي حضورﷺ.........
منهنجي محبوبن جي، “وسيم” تنهن جي حُسن جي.
گهر گهر ڌوم ڌمال، ٻئي جي ڪر نه تون ڳالھ.
منهنجو آهي حضورﷺ.........