نادان اکيون پنهنجون کول : نعت رسول مقبولﷺ
نادان اکيون پنهنجون کول، محمّدﷺ دنگ آهي،
اهڙو نه دنيا ۾ ڪو ڳول محمّدﷺ دنگ آهي،
يوسف ۽ زليخا$ جهڙا، خيرات وٺن در ويهي،
صبح شام جهليو بيٺا جهول، محمّدﷺ دنگ آهي.
سڀ حُسن دنيا واري، ربّ پاڻ مُڪو سينگاري،
اللهﷻ ڪيو انمول، محمّدﷺ دنگ آهي.
محبوب حَسِين دنيا جا، مڃان لال هزارين ماءَ جا،
پر قرني!، بلال! جو ڍول، محمّدﷺ دنگ آهي.
هُيو وهم دنيا ۾ جِن کي، جهلي چنڊ چيو سو تِن کي،
نه نيڻ اجايا رول، محمّدﷺ دنگ آهي.
حق ڪينَ لڪائڻ گهرجي، سڀني کي ٻُڌائڻ گهرجي،
“وسيم” سان ويهي ٻول، محمّدﷺ دنگ آهي.