تون ڇا سمجهين : نعت رسول مقبولﷺ
محبوب جو شان وڏو آهي،
سرڪار جي ساراھ ۾ سارو، قرآن ڪريم لٿو آهي.
جنهن تي مور پتنگ پروانا هَن،
جنهن تي حور و ملّڪ مستانا هَن،
پڙهندا روز شڪر شڪرانا هَن،
محبوب جو اهڙو مِليو آهي.
چهري کي ربّﷻ ساراهيو آ،
زلفن کي ربّﷻ ساراهيو آ،
جلون کي ربّﷻ ساراهيو آ،
ڪيڏو ربّﷻ کي محب مٺو آهي.
هِت سمجھ وارا نه سڃاڻِن ٿا،
نڪي آب سي اکڙين آڻِن ٿا،
بس عشق وارا ئي ڄاڻِن ٿا،
جن دل سان محب ڏٺو آهي.
هي سائل سُوال ڄمار ڪندو،
غم دور سڀئي غمخوار ڪندو،
سو “وسيم” جو ٻيڙو پار ڪندو،
مون کي آسرو پيارا پڪو آهي.