ڪوريئڙي جي ڳالهه
اڙي انسان! جيڪڏهن ساري دنيا به کڻي تنهنجي قبضي ۾ اچي وڃي ته به اک ڇنڀ ۾ اها فنا ٿي وڃي ٿي. ڀلا قضا ۽ قدر جن چيتي جي کل به لاهي ورتي سي توکي سلامت ڪٿي ڇڏيندا؟ سچ پچ هي محل ۽ باغ تولاءِ هڪ قيدخانو آهن ۽ آخر ڪيترو وقت تون انهن سان دل لايو ايندين تون همت جوسندرو ٻڌي الله تعاليٰ جي درٻار ڏانهن قدم وڌاءِ، پوءِ جڏهن تون ان درگاهه تائين پهچي وئين تڏهن توکي اهو مانُ ملندو جو هن جهان ۾ ڦوليو نه سمائبين.