29. باب انهن حديثن ۾ جي حضور ﷺ جي پيالي مبارڪ جي باري ۾ آيون آهن.
ترجمو:حضرت ثابت کان روايت آهي ته چيائين ته انس پٽ مالڪؓ جو اسان کي ڏيکارڻ لاءِ هڪ ڪاٺيءَ جو ٿلهو پيالو لوهيءَ چتي لڳل کڻي آيو چيائين ته هيءُ حضور ﷺ جو پيالو آهي.
عَنْ أَنَسٍ ، قَالَ : لَقَدْ سَقَيْتُ رَسُولَ اللهِ صلى الله عليه وسلم ، بِهَذَا الْقَدَحِ الشَّرَابَ كُلَّهُ ، الْمَاءَ ، وَالنَّبِيذَ ، وَالْعَسَلَ ، وَاللَّبَنَ
ترجمو: حضرت انس چيو ته حضورﷺ کي نبيذ (کارڪن جو پاڻي) ۽ ماکي ۽ کير هن پيالي ۾ پياريندو هوس.