ڪاڪ ٽيل
سُونهن جي ڪيترن ئي خوابن کي ڳوهي
منهنجي بيقرار، عُشاق دل کي جوڙيو ويو
مَنجهس ڪيترائي پيار محبت جا انوکا رنگ ڀَريا ويا
سندس گَهايل هر ڌڙڪن ۾
ڪَجرارين، مَخمور اکين جا خُمار تحليل ڪيا ويا
مَڌ جي مهڪائيندڙ هُٻڪار
سندس وڻندڙ خوشبو آهي
جنهن جو مُنفرد ذائقو
ماکيءَ جهڙو مِٺو سُرور بخش ڀاسي ٿو
اُن ذائقي جو احساس
نفيس ٻانهن جي رنگين ڀاڪرن ۾ ٿبديل ٿي وڃي ٿو
منهنجي اُداس ۽ وِياڪل مَن جي موکي!
او منهنجي ڪائناتن جي ڪَلالڻ!
تو مون کي پريم جا پيالا پياري
اهڙو ته مڌهوش ڪيو آهي جو
مان تنهنجي کيپن جي خوبصورتيءَ ۾ مَدفون ٿي چُڪو آهيان
تنهنجي احساس جي مَڌ ۾
منهنجو رولاڪ روح رَنگجي ويو آهي
توئي ته پنهنجي احساس جي آهنگ سان
منهنجي ڌِڪاريل دل کي
مُحبتن جو”ڪاڪ ٽيل“بڻايو آهي!