الميو
ڪيڏو گهر ڪُشادو هو ۽
ڪيڏي اُن ۾ رونق هئي
گهر جي چوديواريءَ اندر
ٻي ڪا ڀي ديوار نه هئي
هڪڙو آڳنڌ هوندو هو ۽
ڇِت به هڪڙي هوندي هئي
هڪ ئي دروازو هو اُن جو
هڪ ئي نالي جي هئي تَختي
اڄ سو گهر سُڪڙجي ويو آ
ويرانيءَ جو واسو اُن تي
چوديواريءَ ۾ چوڌاري
ديوارون،ديوارون آهن
آڳنڌ ٽُڪرا ٽُڪرا آهي
هڪڙي ڇِتِ ورهايل آهي
۽ دروازا کوڙ اُنهيءَ کي
نالي جون تَختيون به گهڻيون ئي
هڪڙي گهر جي اندر ڏسندي
ڪيئي گهر جُڙي ويا آهن
در ئي در جُڙي ويا آهن!