جيئن ئي وهائُو، اُڀري ٿو آڪاش ۾
لڏا لاڏائو، کڻن ٿا ٻئي ماڳ ڏانهن.
*لُڇي ڪُڇي ڪينڪي، ڪُنڍي مُنڍي وات،
ڪيڏي چپ چپات، سامهون موت ڏسي ڪري!
ڪيڏا ٺاهيئي ڇوڪري، مٽيءَ منجهان ٿانوَ،
پر تو منهنجو هانوَ، ڪڏهن جوڙيو ڪينڪي!
*آهُو جيئن اکيون، تنهنجون هيون ڪامڻي!
ساري رات بَکيون، سارون آرهڙ سج جيئن.
وڍ به ايڏا وڍ، ويڄن پٽيون نه ڪيون،
اسان تنهنجي ڪڍ، ڇا ڇا سَٺو سانوري!
*وهائو _ اهو تارو جيڪو صبح ٿيڻ کان پهرين اُڀرندو آهي
* مُنڍي _ مڇي
* آهُو _ هرڻ