ڇا ڇا هوندا رنگ مصور! ست رنگي تنهن منظر جا
پايل جي آواز تي ٿي ويا، نيڻ پروليون شاعر جا
سج لٿي جو لڪ اڪيلو، واءُ گهُلي ٿو واريءَ تي،
پٿر نيڻ، ڀِٽن جو چارو، چپ اُڃارا ٿوهر جا.
الزامن جون آنڌيون آيون، سنگ وٺا ٿي بوندن جا،
شهر ۾ قصا عام ويا ٿي، ڪالهه اوهان جي ڪافر جا.
آيو ڪير اويلو آهي، سانجهه ۾ سُرمئي شال ڍڪي؟
جنهن جي آجيان لاءِ ويا ٿي، جهيڻا سُرهي جانجهر جا
لهرون آيون، لهرون موٽيون، ڪوڏکڙو هو ڪنڌيءَ تي،
سِپ اڪيلي موٽي ويئي، سڏ ڪنائي ساگر جا.
ڪهڙي نگري آيو آهين؟ شيشي جا احساس کڻي!
جلادن جو ڳوٺ آ سارو، ماڻهو سارا پٿر جا.