سڏي پئي سونهن ڪا مونکي، وڄن ٿيون سارنگيون مون ۾
ملڻ جا خيال سڀ کٽڙا، ڦُٽيون ڄڻ نارنگيون مون ۾،
ڇڄڻ جو ڇيڄ ڪو ڳائي، جهرئين ڇو جهوڪ وانگي تون،
ڳچي ۾ ٻانهڙيون ٻيئي، ورائي تو ونگيون مون ۾،
کٻڙ جي مڪ ماڪيل تي، مڪڙ ڪنهن مام جيئن ويٺل،
رتون سڀ لاڙ جون رنگريز وانگر ڪنهن رنگيون مون ۾،
پراڻي پڊ تان بيهي، پکين سان ڳوٺ ڳالهايو،
وساري ڪير وئي آهي، سڳيون، والا، ڪنگيون مون ۾،
رليءَ جي رنگ ۾ ويڙهي، ميارون هن مُڪيون آهن،
*کَني وانگر کُپايون تو، نهارون ڇو ننگيون مون ۾،
کَنُو= تلوار