نتاشا
منهنجي ڌيءَ وڏي ٿي وئي آ.
ٻاروتڻ جا سارا اوڇڻ
هن کي سوڙها ٿي ويا آهن
مون مان وقت وڃي ٿو ڇڻندو
لمحا پوڙها ٿي ويا آهن
هن جي سائيڪل، بستا، پينون
هاڻي هڪڙي ڪنڊ والاري
خاموشيءَ ۾ ڍڪجي ويا هن
هُوءَ جا هاڻ وڏي ٿي وئي آ.
گڏڙين وارا هٿ انهيءَ جا
ڪمپيوٽر تي ٽِڪ ٽِڪ ڪن ٿا
۽ هن جا گڏڙا ۽ گڏڙيون
مون کان هڪڙو سوال پڇن ٿا
ڪير اسان سان ڪُڏندو هاڻي؟
پوڙهاپي جي سرحد ويجهو
پنهنجي خالي گهر جو سوچي
نيڻ هيءَ ڳوڙها ٿي ويا آهن
آئون اتي ئي بيٺو آهيان،
منهنجي ڌيءَ وڏي ٿي وئي آ
*نتاشا= منهنجي وڏور ڌيءَ