نعت 3
ساري دنيا ۾ وڏي امت رسول الله جي،
جنهن جي آئي بت ڀڳا، ۽ دور انڌارو ٿيو،
ظلم جون پاڙون پٽيون، انصاف جو وارو وريو،
حق پرستيءَ ۾ وڏي همت رسول الله جي،
دور آقا ۽ غلاميءَ جو هليو ويو دُور ٿي،
امن جو منشور نئون، اهڙو مليو منظور ٿي،
دين ڪامل ٿي ويو نسبت رسول الله جي،
ڪيترا راجا ڪري ويا راڄ تخت و تاج تي،
هي هئا فرشِ نشين جيڪي ويا معراج تي،
ڇا چئي سگهندو ڪوئي رفعت رسول الله جي،
ڇا ڪري سگهندو ثنا ”صابر“ هتي ڪوئي بيان،
ڪوبه هن جي مٽ نه ڪوئي مٽ قرآن،
خود خدا آهي ڪئي مدحت رسول الله جي،