روز هنن رستن راهن کان تنهنجا پڇايان پار
روز هنن رستن راهن کان تنهنجا پڇايان پار،
مون کان نه ٿي تون ڌار، او سهڻا سائين
ڪيئن ڪيان مان هاڻي، ڪاڏي وڃان مان هاڻي،
روز روئان ٿو زارؤن زار.....سهڻا سائين
ڪنهن کي ڏسيان ڪهاڻي، سنگت نٿي سڃاڻي
تون به کائين ٿو خار.....سهڻا سائين
ريت رسڻ جي ڇڏ تون، هاڻي پرچڻ جي ڪر تون
وري ملون منٺار.....سهڻا سائين
وڃ قرب ڪري، توکان سوا نه سري
دم وڃئي ٿو يار.....سهڻا سائين
سگهو وري ملي تون، سامهون اچي کلي تون
”صابر“ جي لهه سار..... سهڻا سائين