اڃا تون نه آئين وري عيد آئي
پائي ڏس تون جهاتي ٺهيئي ڪيئن جدائي
اسين روز راهون نهاري ٿڪاسين
ڀلي تون ڀلائج وعدي وفائي
اڱڻ کي اجاري ٻهاري ڇڏيو آ
نئون ڪو به ايندي ڏٺو ڪونه راهي
گهمين ٿو گهڻا در اسان ڏي به کڻ ڪَرَ
رهين رات ڪٿ آ پلڪ لاءِ پڪائي
ملڻ لاءِ ڪيو ٿي مون سان به واعدو
ڏٺي سي ڪچائي ڏٺي سي سچائي
ڪندو ڪير واعدي تي اعتبار ٻيهر
اها ئي ته آهي اسان جي ڍرائي
اجهو عيد وارو ”صابر“ ڏينهن آيو
ڏسي مان ڀليس چنڊ جي روشنائي
(1972ع)