پهتس جو ڪنهن وٿاڻي منظر ڏٺو مون هي
ڪنهن گل پٽيو ته ان کي واتان چيو مون شه شي
بيشڪ نشان ظلم جا ڏسجڻ ۾ اڄ به آهن
ظالم نه زنده هوندو پر هوندو ظلم ئي
منهنجي به زندگي تو گل وانگيان ختم ڪئي
پر ڏوهه ان ڪيو ڇا تون پٽين پئي
هئي مام مقناطيسي جنهن مونکي تنهنجو ڪيو
تون منهنجو چاهيو بڻجڻ تنهنجي رضا هئي
تو کنئين نظر نماڻي دل ٿي وئي اياڻي
ان کي ڏئين تون پاڻي پو ڪهڙي ٻي خوشي
ظالم اگر جي آهين ڪنهن ٻي تي ظلم ڪر
ناراض ٿي نه ”صابر“ سان ٿئين ته مشڪي ٿي
28 نومبر 1971ع