دلربا دلدار دلبر ناز نخرا ڏي ڇڏي
اچ اڱڻ هاڻي اکين جا تون اشاري ڏي ڇڏي،
عشق آخر ڏوهه ناهي حق سمجهي ٿا ڪريون،
پاڻ پاتا پيچ پيارا خوف خطرا ڏي ڇڏي،
هي جسم تنهنجو اسم آهي جدا گانه قِسم،
چاهه پنهنجي جا چيم نرمل نظارا ڏي ڇڏي،
مان مٽائي پاڻ پنهنجو تو مٿان قربان ڪيو،
تون به مونکي ياد ڪر ٻيا سڀ سهارا ڏي ڇڏي،
تو ڪيا واعدا وفا جا سي به پورا وڃ ڪري،
ڇو ڪيا هِن تو رساما اڄ خدا را ڏي ڇڏي،
مان وفا تي سر ڏئي توکي ڪندس حاصل ضرور،
پرت جي آ ريت ڀل پرڪاش پارا ڏي ڇڏي،
10 مارچ 1990