اڄ يار جي چشم ۾ خونمار بيٺو آ
ڪري خير خدا يار سان اغيار بيٺو آ
پنهنجي ته دل انهيءَ کي چاهي نه اڄ ڏسڻ
پر ڇا ڪريان جو ان کي اعتبار بيٺو آ
ڏسي روپ يار جو بس ڳوڙها وهن اکين مان
مان اڄ ايئن ٿو سمجهان بيزار بيٺو آ
زخمي ڪري ڪي ڪيئي ماري ڇڏيا اٿائين
ان جو پسي ڪو جلوو هر بار بيٺو آ
کڻي ڀيلو دل هلي آ سهڻي جان ملڻ لاءِ
ڇا ڪاڻ جو پرينءَ ڀر ڀوتار بيٺو آ
هٽ جلد اِتان يار ڪو جلاد اٿيئي
”ننگي ڪيو اکين جي تلوار بيٺو آ“
”صابر“ تون بڻجي بلبل يا مثل ڀونر جي
هتان اڏر جلد گلڙن سان خار بيٺو آ
23 اپريل 1972ع