پهرين ورسي - بابا عبدالرحمٰن مست
جنهن کان وڇڙي اڄ اسان کي آهي پورو سال ٿيو
مرتبو منزل انهيءَ جي سمجهه منهنجيءَ کان مٿي
هن جي همسر ڪو نه ڪو اوتاد يا ابدال ٿيو
مام مستن جي نه ڄاڻي عام جو ناقص عقل
منڪشف ڪنهن تي نه تن جو اڄ تائين احوال ٿيو
جن سندس خدمت ڪئي ڏس سي ويا مخدوم ٿي
ڪو سدا خوشحال ٿيو ڪو صاحب اقبال ٿيو
جو به دامنگير ٿيو تنهنجي کلي ويا دل جا در
فيض جي رنگ ۾ وڃي رنگجي ڪوئي آ لال ٿيو
جن جي دل آ چوٽ کاڌي تن کان پڇ ”صابر“ خبر
هوش کان بيهوش ڪو، ڪو حال کان بيحال ٿيو
بسلسله پهرين ورسي 1972ع