هڪ شهيدِ ڪربلا آ، هڪ جمهوريت جو شهيد
هڪ کي ڦاسائيو ڦندي ۾، ٻيو قيد شدت سان شديد
حق مٿان ٿا شير دل قربان ڪن اهل وعيال
حق کي هٿ ۾ رکيئون ٿا ڪين باطل جا مريد
سختيون شهادت جون سهڻ ڀي ناز آ انداز آ
نا گهٽائڻ ٿا گهرن اڳتي وڌائن ٿا مزيد
ديس واسي اڄ اداسي ۽ پياسا ٿو ڏسان
رنج آ دل ۾ گهڻو ۽ خوشيون آهن بعيد
انداز آسڻ جو ڏٺم پانڌين سندا هُيَڙا هجوم
قل پڙهن ختما هزارين ڪي پڙهن قرآن مجيد
هي نه نقشا ڪنهن ڏٺا ها خواب ۾ يا جاڳ ۾
سچ چوڻ تي ڏيو سزا ڪنهن جو نه ٿيل آهيان خريد
صبر جو ڦل آ مٺو ”صابر“ سدا ايئن ڏٺو
هي فيصلو جابر ڪيو، هُو فيصلو ڪيو هو يزيد
5 جنوري 1981ع