حسينن جي هجي بازار ديوانه لڀي پوندا
حسينن جي هجي بازار ديوانه لڀي پوندا
ڪندين شمع اگر روشن ته پروانه لڀي پوندا
نه ظاهر سي ڪڏهن ٿيندا سدائين سور پيا سهندا
ڪٿي محوِ محبت ۾ به مستانه لڀي پوندا
نه ڪر مئي نوش ڪوئي غم اجايو ٿو رلين هردم
ڪندين ڳولها جي ڳوٺن ۾ به مئخانه لڀي پوندا
اهو آتڻ پسان مان شل جتي محبوب ڪئي محفل
نشان تنهنجا به ظاهر هن سي ويرانه لڀي پوندا
اداسي تون نه ٿي ”صابر“ پچر پيارن جي ٻُڌ هر هر
انهن ڳالهين اندر پنهنجا به افسانه لڀي پوندا
7 سيپٽمبر 1990ع