موهن جو دڙو
پنهنجي ساٿين کي به ات پهچائجي
هل هلي تهذيب جا آثار ڏس
توکي موهن جو دڙو ڏيکارجي
اڄ ڪري اتحاد سنڌي سڀ اچو
زندگي هيڪل نه ٿي هينئن گهارجي
ڪئي مهم هن کي بچائڻ جي شروع
ٻارڙن ساٿي سنگت ساراهِجي
ڪونڌرن جان ڪنڌ اونچا ڀل ڪَرِن
جوت ٿي جوڌن جيان ڏيکارجي
ڇو وٺون بيروني ملڪن کان مدد
هڪڙي هڪڙي سِرَ هڻي بيهارجي
اڻويهين آ آڪٽوبر ڏينهن جمعو
ڇو نه سيمينار ۾ هي ڳائجي
سورڀي انسانيت کان وڌ سٺا
ٻيو نه”صابر“ ڪو ته ٻوٽو ٻارجي
19 آڪٽوبر 1984ع