خزان جو خاتمو ٿي ويو چمن ۾ تازگي آئي،
بهاري جي هوائن سان خوشي ڀي مرڪندي آئي،
سڪل پن جي وڻن تان سڀ ڇڻيا ڇڻ ڇڻ ڪري آخر،
انبن ڀي ٻور آ جهليو عجب آسودگي آئي،
سلا ساوا وري اڀريا اجهو ڪي سنگ ڀي نسريا،
مهڪندا ماڳ مارن جا ڦري فرخندگي آئي،
پکي پيارا مٺيون ٻوليون لنون ٿا آشيانن ۾،
چتون چو ٻول ۾ ڪوئل ڪٿان ڪُو ڪُو ڪندي آئي،
گلن تي خوڀ ڀنورا ٿا گهمن ڀون ڀون ڪندا ڪارا،
وڌي آ واهه جي رونق هتي تابندگي آئي،
اچو اي دوستو نڪرو ڪريون ڪو سير گلشن جو،
”خزان جو خاتمو ٿي ويو چمن ۾ تازگي آئي“،
ڪندا گجگوڙ ٿا بادل اچن برسات برسائڻ،
سنگهارن سانگ ڪيا ”صابر“ ڪڻي سارنگ جي آئي،
29 مارچ 1974