حاجي لعل بخش ٽالپر جو پاڙو
حاجي لعل خان پنھنجي جواني ۾ انتھائي باهمت ۽ ڪم ڪار جو سچو مرد ماڻھو هو. تعليم حاصل ڪانہ ڪئي هئائين صرف قرآن شريف گهر پڙهيو هو منھنجي ڀائرن، جان محمد ۽ الھبچائي سان گڏجي ميلا ملاکڙا گهمڻ، ڀلا ڍڳا ۽ ڀليون مينھون ڌارڻ جا ڪم ڪندو هو. حاجي ڏتل زمينون مقاطعا کڻندو هو. اها ٻني ڪجهہ پاڻ پوکيندا هئا ۽ وڌيڪ هارپ تي ڏئي ڇڏيندا هئا ڳوٺ ۾ سندن پنھنجي ڪابہ ٻني / زمين نہ هئي پوءِ بہ هو ڳوٺ ۾ زميندارن کان گهڻو خوش حال رهندا هئا. پورهيو ڪرڻ سندن مرڪ هوندو هو سندس گهر واري حاجي فتح علي جي اڪيلي نياڻي هئي جيڪا حاجي فتح علي وانگر لواري شريف درگاه جي پڪي معتقد هئي جڏهين پير گل حسن صاحب دنيا مان رحلت ڪئي درگاه تي پير فيض محمد پنھنجو حق جتايو تہ درگاه جا مريد ٻن حصن ۾ ورهائجي ويا. (1) پير فيض جي طرف تہ ٻيا پير گل حسن صاحب جي نياڻي بي بي جي طرف ٿيا ڳوٺ انڊهلو بي بي جي طرف ٿيو تہ حاجي لعل خان جي گهرن واريءَ مائي حاجاڻي بہ بي بي جي خاص صحبت ۾ رهڻ لڳي. پوءِ سڄي سنڌ ۾ لواري شريف جي مريدن پاران بي بي جي جي / پير حسن قادر (بي بي جو پٽ) کي دعوتون ملنديون هيون يا ڪي نياپا ملندا هئا تہ اهو ڪم حاجي لعل خان سچائي سان نڀائيندو رهيو آهي. حاجي لعل خان ميلا گهمڻ، شڪار ڪرڻ جو شوقين رهيو آهي.
حاجي لال خان کي (5) پٽ ٿيا. حاجي نور محمد، علي بخش، عبدالستار، عبدالغفور، الھہ بخش جن مان عبدالغفور جواني ۾ وفات ڪري ويو. حاجي نور محمد ۽ عبدالستار جو ذڪر اڳتي ايندو، حاجي لعل خان جو شجرو هيٺين طرح آهي
مير محمد
احمد خان فضل محمد
(ڏسو مولوين جو پاڙو)
حاجي ڏتل غلام محمد
(ڏسو مولوين جو پاڙو)
حاجي فضل محمد لال خان محمد خان
(هڪ نياڻي جو اولاد)
حاجي نور محمد علي بخش عبدالستار عبدالغفور الھہ بخش
(جواني ۾ گذاري ويو)