1. اشتداقي، نه خالي. (فارسي، چوڻي)
اشتداقي/ صبح سان سوير ننڊ مان اٿندڙ، ڪڏهن به جسماني/ مالي طور تي خالي/ خلاص نه ٿيندو.
سوير اٿڻ، صحت لاءِ ته سٺو آهي ته پر بخت لاءِ به ڀلو آهي. جيڪو صبح سان سوير سمهي پوي ٿو، ان جو بخت به سوير ئي سمهي پوي ٿو. هر ڌنڌي وارو، جيڪڏهن صبح مردان جو اٿي، ڌڻيءَ کي ٻاڏائي ڌنڌي تي نه چڙهندو ته بخت به نه ورندس. ان لاءِ ضروري آهي ته پھرين ڌنڌي ۾ نر ٻھڻي ڪري، ان کانپوءِ ڀلي آرام ڪري .
مطلب :
1-1 اشتداقي، نه خالي. زاني، نه مالي. (فارسي)
2-1 صبح جا سائين، ٻيڙا ٻني لائين.
3-1 صبح جي ناري، نه ڏيندءِ ڏک نه بيماري،
ڏيار ڪي هزاري، چڙهي ڪيون هسواري.
4-1 صبح جو نر ٻھڻي، وڃي رن روئڻي.