114- ڦڙيءَ ڦڙيءَ تلاءُ (فارسي، پھاڪو)
جزئيات ملي، ڪُل ٺاهيندا آهن. قطرا ملي، ڍُڪ ٺاهيندا آهن. ڍُڪَ ملي دُٻو ٺاهيندا آهن. دُٻا ملي ڍنڍون/ ڍورا درياه/ سمنڊ ٺاهيندا آهن. جبلن تان رِجي، پاڻيءَ جي صورت اختيار ڪري درياهن جا مُنھن بنجندڙ برف، اصل ۾ قطرن جي صورت ۾ ڪڪرن مان وسندي آهي. اها ڄمي ڄمي، گليشيئر ٺھندا آهن. جڏهن گليشيئر گرميءَ سبب رجي يا وزن جي وڌڻ سبب ٽٽي هلندا آهن ته وڏا درياهي وهڪرا ڦٽي نڪرندا آهن. زمينن کي سيراب ڪندي، سيلاب آڻيندي سمنڊ ۾ ڇوڙ ڪندا آهن .
ملڪيت به رپيو رپيو ٿي، ڪٺي ٿيندي آهي ۽ ڪروڙها/ اربھا رپيا ٿيندي آهي. بھتر آهي ته ٿوريءَ ڪمائيءَ تي چڱيءَ طرح ڌيان ڏيڻ گهرجي.