133- مڙس ته رتي (سنڌ، چوڻي)
مڙس ماڻھو اهو آهي، جنھن ۾ غريت هجي. سير نه هجيس ته رتي هجيس. غيرت/رڏي/ارڏائپ، مڙس جي نشاني آهي. جنھن مرد ۾ اهي خوبيون ناهن، اهو گيدي/ ڀاڙيو/ ڇسو ۽ بيڪار آهي.
- مڙس ته ضد/رڏي/وير/همت .
- مڙس ته ڦـڏو، نه ته جڏي جو جڏو.
134- مڪو، آ پڪو (سرو، چوڻي)
مڪي شريف جا رهواسي، عقيدي ۾ ڏاڍا پڪا هيا/آهن. جڏهن شرڪ/ڪفر تي هيا ته به پڪا هيا. منجهن منافقي يا ٽيڙي ويڙي نه هئي. جڏهن ايمان آندائون، ته به پڪا هيا، منجھهن منافقي يا ٽيڙي ويڙي ڪانه هئي. اڄ به مڪي کان موٽندڙ حاجين کان پڇبو ته ٻڌائيندا؛ مڪي ۾ جلال آهي. مديني ۾ جمال آهي. مڪي جا ماڻھو مزاج ۾ سخت ۽ مديني جا ماڻھو مزاج ۾ منٺڙا آهن .