99- سوئا پالڪ، چوڪا (لاڙ، چوڻي)
هڪ دفعي، وکري وڪڻن وارو گهورڙيون، سبزي کپائڻ جو هوڪو ڏيندو پئي ويو ؛ ”سوئا پالڪ چوڪا“، هڪڙي بزرگ سندس هوڪو ٻڌو ته اُٿي ويٺو ۽ مريدن کان پڇيائين، ”اوهان سمجهو ته اهو گهورڙيو، ڪھڙو پيغام ڏئي رهيو هيو“.
”سائين!“ مريدن مرشد کي ٻڌايو؛”اهو ته پالڪ، سوئا ۽ چوڪن کپائڻ جو هوڪو ڏئي رهيو هيو“.
”توهان صحيح ٿا چئو!“ مرشد کين سمجهائيندي چيو؛”دراصل اهو چئي رهيو هيو، گهڙي پلڪ جيڪو ستو، سو غلطيءَ تي آهي.“
مطلب: تتيءَ ٿڌيءَ ڪاهه، ڪانھي ويل وھڻ جي.
متان ٿئي اونداه، پير نه پھين پرينءَ جو.