115- ڪاٺيءَ ڪاٺيءَ، لڇڻ (سرو، پھاڪو)
هر وڻ جي، هر ڪاٺيءَ جو پنھنجو رنگ/روپ/ سواد آهي. اهڙيءَ طرح، هر ماڻھوءَ جي به پنھنجي پنھنجي طبيعت ۽ لڇڻ آهي. جھڙيءَ طرح ضروري ناهي ته سموري جهنگ جون ڪاٺيون هڪجھڙيون هجن، تھڙيءَ طرح اهو به ضروري ناهي ته هڪ ئي ذات/قبيلي/قوم/ڪٽنب جي ماڻھن جي طبيعت/اخلاق/اٿڻي ويھڻي هڪجھڙي هجي. سمورا وڻ/ ماڻھو مٽيءَ مان جڙيا آهن. هر هنڌ جي مٽي هڪ ٻئي کان مختلف آهي. ان جي ڪري منجهانئس پيد اٿيندڙ/ جڙندڙ، هر شيءِ جي ماهيت/ڪيفيت/ طبيعت به مختلف آهي .
- ڪلي ڪلي ڀاڳ، ڪاٺيءَ ڪاٺيءَ لڇڻ .