لوڪ ادب، لساني ۽ ادبي تحقيق

ننڍڙي روپ وارا چوڻيون ۽ پهاڪا

ڪتاب ”ننڍڙي روپ وارا چوڻيون ۽ پهاڪا“ اوهان اڳيان پيش ڪجي ٿو. هن ڪتاب جو ليکڪ ۽ سهيڙيندڙ انجنيئر عبد الوهاب سهتو آهي.
Title Cover of book ننڍڙي روپ وارا چوڻيون ۽ پهاڪا

83- زندگي بي بندگي، شرمندگي (فارسي، چوڻي)

83- زندگي بي بندگي، شرمندگي (فارسي، چوڻي)
انسان کي هيءَ زندگي، ان لاءِ ڏني وئي آهي ته جيئن خدا جي بندگي ڪري. جنھن هن حياتيءَ کي ٻين اجاين ڪمن ۾ وڃائي ڇڏيو، تنھن ڄڻ وڏو نقصان ڪيو. کيس آخرت ۾ وڏا هٿ هڻڻا پوندا. آخرت ته ڇا پر هن حياتيءَ ۾ ئي کيس شرمندگي/ندامت اڳيان ايندي ۽ سواءِ افسوس جا هٿ مھٽڻ جي، کيس ڪي به ڪين ورندو. بھتر انسان اهو آهي، جيڪو خد اجي بندگي ڪندي، حياتي چڱي نموني گذاري ۽ ندامت کان بچي.