شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

آ رحمان رازق سميعُ بصير،

آ رحمان رازق سميعُ بصير،
خدا آ، ”عليٰ ڪل شيءِ قدير“.

سو ماجد ۽ قيوم، قادر، غني،
بلا شڪ ”بما تعلمون خبير“.

آ رازق، منان مالڪ ۽ حي،
سو فتاح، تواب، ظاهر، ڪبير.

گداگر کي ٿو بادشاهي ئي،
ڪري بادشاهن کي پينو فقير.

ڀڄي ڪير سگهندو سندس امر کان،
بهرحال آهي ”اليہ المصير“.

اٻوجهن ۽ هيڻن جو آ آسرو،
اهو ”نعم موليٰ ونعم النصير“.

اسان تي سندس خاص احسان آ،
مُڪائين محمد بشير ۽ نذير.

بچائيندو ”جوهر بروهي“ کي هو،
انهي ڏينهن کان ” شره مُستطير“.
ƒ