مدني اچڻ سان ئي ايمان مليو آهي،
توحيد ملي آهي، قرآن مليو آهي.
ڪعبي ۾ رکيا ويا هيا، بت لات ۽ عزيٰ جا،
بت ڀور ٿيا، ڪعبو شادان مليو آهي.
ڀٽڪين ٿو اجايو تون، در در تي ادا سائين،
هڪ در تي جهڪڻ جو ئي فرمان مليو آهي.
رک صاف عقيدو تون توحيد رسالت جو،
هن طرح شفاعت جو سامان مليو آهي.
سر صدقي ڪيا آهن جن دين جي الفت ۾،
قرآن پڙهي ڏس تون ڇا شان مليو آهي.
آ ناز زماني کي مدني جي مهابي جو،
ابوبڪر، عمر، حيدر عثمان مليو آهي.
ڪر خوف ته اي ”جوهر“ حق ڳالهه ٻڌائڻ کان،
رزاق خدا باري رحمان مليو آهي.