شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

الله احد آهي، بي نياز صمد آهي

الله احد آهي، بي نياز صمد آهي
در بند ٿيو ناهي!

رازق به اهو آهي، ٺاهي به پيو ڊاهي،
ڊاهي به پيو ٺاهي،
در بند ٿيو ناهي!

سنڀار سچو مولا! ڏک سور سڀيئي لاهي،
جڳ ان جي اڳيان ڇاهي،
در بند ٿيو ناهي!

قادر به ڌڻي آهي، ڪو سينو ڀلا ساهي،
هر ڏاڍ کي ٿو ڳاهي،
در بند ٿيو ناهي!

تک تار مان تاري ٿو، سڙهه ساز ٿو سنڀاهي،
ٿئي ائين جيئن چاهي،
در بند ٿيو ناهي!

اڄ نيٺ ”بروهيءَ“ کي، هيئن آهه چيو ڏاهي،
غافل ته نه ٿي گاهي،
در بند ٿيو ناهي!
ƒ