شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

مهينن ۾ رمضان سڀ کان ڀلو آ،

مهينن ۾ رمضان سڀ کان ڀلو آ،
قرارن کي ڪافي مليو حوصلو آ.

سدا روح راحت، ڇپر ڇانو فرحت،
خدا ڪئي عنايت، آ گهر گهر تلاوت،
جڙيو رحمتن جو وڏو سلسلو آ.

هي رحمت ڀريو آ ۽ ٻيڙو تريو آ،
غضب ڄڻ ٽريو آ سڄو جڳ ٺريو آ،
۽ شيطان ۾ اڄ پيو زلزلو آ.

ڪئي مهر باري، ٿي وک وک بهاري،
جو روزي سنواري، اجها دل اڃاري،
ڪلام خدا ٿيو وڏو ڀرجهلو آ.

اسر ويلو آيو، ٿيو نور سايو،
پڙهو ۽ پڙهايو، مناجات ڳايو،
جو مومن جي دل ۾ وڌيو ولولو آ.

رڱيون رنگ راتيون، سڄو ڏينهن لاتيون،
ٺريا روح، ڇاتيون، دليون کوڙ آتيون،
اي ”جوهر بروهي“ ٿيو اڄ بلو آ.
ƒ