شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

هو مرڪي صبح ٿو روشن ٿئي،

هو مرڪي صبح ٿو روشن ٿئي،
۽ ڳالهائي جڳ گلشن ٿئي.

آس خليل جي فخر آدم،
صليٰ الله عليہ وسلم.
هن جو نالو مصري ماکي،
سونهن ، سڳنڌ ۽ سچ جو ساکي،
سائين ڪوثر پاڪ جو ساقي.
ڪفر ۽ ڪوڙ به درهم برهم.
صليٰ الله عليہ وسلم.

ساڃهه، سُرت، شعور مليو آ،
دنيا کي دستور مليو آ،
باطل کي ڏک سور مليو آ.
ختم نبوت زنده دم دم،
صليٰ الله عليہ وسلم.
ساعت ۾ معراج ٿيو آ،
رحمت ڀريو ڪاڄ ٿيو آ
ختم نبوت تاج ٿيو آ.
پير پڻيءَ تا گهوريو عالم،
صليٰ الله عليہ وسلم.

روحن کي اتساهه ڏنو ويو،
قربن کي ويساهه ڏنو ويو،
پاڪ ڪلام الله ڏنو ويو.
لات، منات ۾ برپا ماتم،
صليٰ الله عليہ وسلم.

شاهد ۽ مشهود به مدني،
حامد ۽ محمود به مدني،
اسعد ۽ مسعود به مدني.
بي شڪ بر حق هادي اعظم،
صليٰ الله عليہ وسلم.

جاني آهي جڳ جو دلبر،
صدقي ذات ”بروهي“ هر هر،
آهي قطار ۾ پڻ هي ”جوهر“.
وهوا رسول ڪريم ۽ اڪرم،
صليٰ الله عليہ وسلم.
ƒ