شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

رنگ اهڙا رتا رات اهڙي رڱي،

رنگ اهڙا رتا رات اهڙي رڱي،
ڄڻ ته دنيا فقط پيار جي لئه آ بڻي.

قرب اهڙا ٿيا، گيت اهڙا ٽڙِيا،
ڄڻ ته قدرت جي وارن کي آئي ڦڻي.

موج اهڙي متي، روح اهڙو ٺريو،
ڄن ته آئي صبا ڪي نياپا کڻي.

سهڻا اهڙا هجن! سونهن اهڙي هجي،
جن تي صلوات پڙهندو هجي خود ڌڻي.

مست ڌرتي ٿئي ڇو نه اي دوستو!
اڄ مديني ۾ گل موتيا پيا ڇڻي.

مصطفيٰ جهڙو محبوب ڪنهن کي ملي،
جنهن جي ”جوهر“ تي آهي نوازش گهڻي.
ƒ