شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

هڪ ڏينهن روضئه اطهر تي ڪي درود پڙهيا، ڪي سلام پڙهيا،

هڪ ڏينهن روضئه اطهر تي ڪي درود پڙهيا، ڪي سلام پڙهيا،
هڪ پاسي ملائڪ بيٺا هئا، ٻئي پاسي درود عوام پڙهيا.

ٿي ختم نبوت مدني تي،
آ تاج رسالت مدني تي.
”الصبح بَدامِن طلعتہ“ مون گيت، غزل ۽ ڪلام پڙهيا.

آ رحمت وارو وجود سندس،
ماکي کان مٺو آ درود سندس.
۽ مون به رسالت، چاهت جا آغاز پڙهيا، انجام پڙهيا.

پل پل ۾ پئي خوشبو ٿي وسي،
۽ رحمت لک راهون ٿي پسي.
قرآن مثل انجيل ڪٿي؟ هن لوڪ صحيفا جام پڙهيا.

تخليق سنواري ويئي آ،
اونداهه اجاري ويئي آ.
يٰس، مزمل ۽ طٰہ، دل لفظ صبح و شام پڙهيا.

هن درس ڏنو آ حڪمت جو،
هو شارع آهه شريعت جو.
قرآن، حديث جي سنگم تي، فرمان پڙهيا، احڪام پڙهيا.

اڄ ياد جا ڏيئا ٻاريا هن،
ڪي جوهر جذبا ٺاريا هن
هن حب، عقيدت جي بدران، جي ملندا، سي انعام پڙهيا.
ƒ