شاعري

روشني ئي روشني

هي ڪتاب “روشني ئي روشني” مانواري شاعر، نعت گو ۽ ثنا خوان محترم جوهر بروهي جي حمد ۽ نعتن تي مشتمل آهي..
  • 4.5/5.0
  • 2980
  • 737
  • آخري ڀيرو اپڊيٽ ٿيو:
  • جوهر بروهي
  • ڇاپو پھريون
Title Cover of book روشني ئي روشني

عقيدو

خدا آ نگهبان الحمد لله،
رحيم آهه رحمان الحمد لله.

ڏنگي ڏاچ آڏو جهڪان، ناهه ممڪن،
قبر تي وڃي ڪجهه گهران، ناهه ممڪن،
مڪمل آ ايمان الحمد لله.

اسان جو پرين پيشوا مصطفيٰ آ،
سندس مٺڙو نالو دوا، شفا آ،
رسالت جو هي شان الحمد لله.

محمد مٺي تي ختم ٿي نبوت،
خدا جي اذن سان ڪندو هو شفاعت،
آ جنت جو امڪان الحمد لله.

محمد مٺي جي شريعت آ ڪافي،
اسان لاءِ قرآن سنت آ ڪافي،
سچو آهه عنوان الحمد لله.

وڏي فيض وارا ۽ دلبر صحابي،
ابوبڪر، فاروق، حيدر صحابي،
مڃان مان ٿو عثمان الحمد لله.

هي علماء حق جو سچو قافلو آ،
اي ”جوهر بروهي“ مليو حوصلو آ،
پڙهيم پاڪ قرآن الحمد لله.
ƒ