ڪوڙا، ڪوڙا، ڊاڙي ماڻھو،
سنڌ جا دشمن، ڀاڙي ماڻھو.
پاڻ بہ وڪڻي، سنڌ بچائبي،
اک جا پڪا، راڙي ماڻھو.
هر ڪئنال کي ڪٽ ڏنائون،
بيدرد، بگهڙ، بي پاڙي ماڻھو.
هن جي اڳيان، هُن جي پويان،
اندر رکن سي، اماڙي ماڻھو.
پوري سنڌ کي، نيٺ تہ آخر،
ٻوڙائيندا، هو لٻاڙي ماڻھو.
وھوا، وهوا ۽ جيئي، جيئي،
ڄٽ هڻن ڪي، ڄاڙي ماڻھو.
غيرت، عزت، مان ڇا ڄاڻن،
جاهل، ڄٽ، جڳاڙي ماڻھو.
قوم جا دشمن سچ پچ آهن،
سوچ نہ سمجهہ اناڙي ماڻھو.
منھن ڏيڻ لئہ، “بيوس” گهرجن،
ڪات ۽ ڪرٽ ڪھاڙي ماڻھو.