شخصيتون ۽ خاڪا

يوسف شاهين: شخصيت، شاعر، محقق ۽ صحافي

ھي ڪتاب سنڌ جي نامياري تاريخ نويس، شاعر ۽ صحافي يوسف شاهين جي شخصيت، سندس شاعري، صحافت جي سفر ۽ ھڪ محقق طور ڪيل خدمتن بابت آھي. ڪتاب جي پھرين حصي ۾ مختلف ساڃاھ وندن جا يوسف شاھين بابت لکيل مقالا، مضمون ۽ مھاڳ شامل آھن. ٻئي حصي ۾ يوسف شاھين سان ڪيل رھاڻيون، انٽرويوز ۽ ڪچھريون ڏنل آھن. ٽئين حصي ۾ يوسف شاھين جون مختلف لکڻيون شامل ڪيل آھن. آخري حصي ۾ يوسف شاهين بابت تاثرات ۽ خط شامل ڪيا ويا آھن.

  • 4.5/5.0
  • 5
  • 3
  • آخري ڀيرو اپڊيٽ ٿيو:
  • يوسف سنڌي
  • ڇاپو پھريون
Title Cover of book Yousif Shaheen: Shakhsyat, Shair, Muhaqiq aen Sahafi

شمشيرالحيدري : شاعري ڏات آهي

... نہ ڪڏهن ڪا قديم يا جديد شاعري پڙهيائين، نہ ڪڏهن شعر جي فن ۽ هنر جو مطالعو ڪيائين. ڪو پُور پيس تہ شاھہ جو رسالو کڻي يڪساهيءَ ويھہ، پنجويھہ ڀيرا دؤر ڪري ويو، تنھن پُڄاڻان اَچي جو لِکڻ ۾ پيو تہ ڏينھن رات هڪ ڪري ڏِنائين. ڪنھن کي ڪنِ نہ جَن! فقط ٽن هفتن اَندر ايترو لِکي ورتائين، جيترو گُذريل 25 سالن ۾ مون بہ ڪونہ لِکيو آهي. اَهڙو ڪوبہ شاعر ڪونھي، نئون يا پُراڻو، جنھن ورهين جي مشق، رياضت ۽ تجربي بنا شاعريءَ کي اَهڙي پَڪي ۽ پُختي اَنداز ۾ پنھنجي اِظھار جو وسيلو بڻايو هجي. اَياز هجي يا اِمداد، شاعريءَ جي ڪچي، ڦِڪي مشق ڪري مٿي چڙهيا آهن ۽ سندن شاعريءَ جو اَڄوڪو معيار، ورهين جي متواتر محنت جو نتيجو آهي. سنڌ جو ڪوبہ شاعر کڻو، اُهو ’جميعت الشعرا‘ جو تربيت يافتہ هوندو يا ’سنڌي اَدبي سنگت‘ جي تنقيدي ڪلاسن مان سِکيو هوندو يا ڪنھن اُستاد جي اِصلاح سان سُڌريو هوندو، پر يوسف ڪنھن بہ تربيت، سِکيا يا اِصلاح کان آجو آهي.

شمشيرالحيدري