شخصيتون ۽ خاڪا

يوسف شاهين: شخصيت، شاعر، محقق ۽ صحافي

ھي ڪتاب سنڌ جي نامياري تاريخ نويس، شاعر ۽ صحافي يوسف شاهين جي شخصيت، سندس شاعري، صحافت جي سفر ۽ ھڪ محقق طور ڪيل خدمتن بابت آھي. ڪتاب جي پھرين حصي ۾ مختلف ساڃاھ وندن جا يوسف شاھين بابت لکيل مقالا، مضمون ۽ مھاڳ شامل آھن. ٻئي حصي ۾ يوسف شاھين سان ڪيل رھاڻيون، انٽرويوز ۽ ڪچھريون ڏنل آھن. ٽئين حصي ۾ يوسف شاھين جون مختلف لکڻيون شامل ڪيل آھن. آخري حصي ۾ يوسف شاهين بابت تاثرات ۽ خط شامل ڪيا ويا آھن.

  • 4.5/5.0
  • 143
  • 33
  • آخري ڀيرو اپڊيٽ ٿيو:
  • يوسف سنڌي
  • ڇاپو پھريون
Title Cover of book Yousif Shaheen: Shakhsyat, Shair, Muhaqiq aen Sahafi

پير حِسام الدين شاھہ راشدي، مخدوم طالب المولى ۽ ڊاڪٽر عبدالقادر اَنصاري جا تاثرات

ڪتاب ’اَندر ۾ اُهاءُ ٿيو‘ مِلڻ بعد دل گهريو تہ توهان کي مِلان، ڀاڪر پائي نِراڙ تي مِٺيون ڏِيان ۽ سلام ڪري توهان جي لياقت کي تسليم ڪريان..... اِها ﷲ پاڪ جي ڏات ۽ ڏانءٌ آهي، نہ ڪوشش آهي، نہ علم آهي. اوهان کي ڪنھن بہ ٿنڀي ۽ ٿوڻيءَ جي ضرورت ناهي.

پير حِسام الدين شاھہ راشدي
12 فيبروري 1980ع

*

’اَندر ۾ اُهاءُ ٿيو‘ ۾ ڪلام، صنف جي لِحاظ کان قديم، مگر خيال نوان جمع ڪيل آهن، جي دؤر جي عڪاسي ڪن ٿا.

مخدوم طالب المولى
03 مئي 1980ع

*

آءٌ بُنيادي طور سائنسدان آهيان، اُن باوجود مون اوهان جي شاعري وڏي چاھہ ۽ اُنس سان پڙهي. توهان جيڪي ڏِنو آهي، اُهو يقيناً قابلِ تعريف آهي. جيتوڻيڪ شاعريءَ جي دُنيا ۾ اوهان بنھہ نوان آهيون، اُن جي باوجود اوهان سنڌي شاعريءَ جي وچ ۾ اِهم جاءِ والاري آهي.

ڊاڪٽر عبدالقادر اَنصاري
اَڳوڻو وائيس چانسلر
سنڌ زرعي يونيورسٽي، ٽنڊو ڄام
24 مارچ 1980ع