شخصيتون ۽ خاڪا

يوسف شاهين: شخصيت، شاعر، محقق ۽ صحافي

ھي ڪتاب سنڌ جي نامياري تاريخ نويس، شاعر ۽ صحافي يوسف شاهين جي شخصيت، سندس شاعري، صحافت جي سفر ۽ ھڪ محقق طور ڪيل خدمتن بابت آھي. ڪتاب جي پھرين حصي ۾ مختلف ساڃاھ وندن جا يوسف شاھين بابت لکيل مقالا، مضمون ۽ مھاڳ شامل آھن. ٻئي حصي ۾ يوسف شاھين سان ڪيل رھاڻيون، انٽرويوز ۽ ڪچھريون ڏنل آھن. ٽئين حصي ۾ يوسف شاھين جون مختلف لکڻيون شامل ڪيل آھن. آخري حصي ۾ يوسف شاهين بابت تاثرات ۽ خط شامل ڪيا ويا آھن.

  • 4.5/5.0
  • 143
  • 33
  • آخري ڀيرو اپڊيٽ ٿيو:
  • يوسف سنڌي
  • ڇاپو پھريون
Title Cover of book Yousif Shaheen: Shakhsyat, Shair, Muhaqiq aen Sahafi

شيخ مونس اياز: يوسف شاهين جي سامھون

هن شاھہ لطيف جي عرس جي ٻي ڏينھن تي مان ان بزرگ ليکڪ سان ملڻ ويس جيڪو شاھہ لطيف جي سُر ڪيڏاري ۾ جنگي مزاحمت/حڪمت عملي کي ثابت ڪرڻ لاءِ لکي رهيو هيو جنھن سلسلي ۾ هن اڳمي هڪ ڪتاب "انگريز سرڪار ۽ شاه لطيف" ۾ ڀٽائي کي سنڌ جي آزادي جو پھريون قومي شاعر لکيو آهي ۽ نہ فقط سنڌ کي هڪڙي دعا جو شاعر سمجهيو ويندڙ ۽.اهڙي ڳالھہ تي بقول سندن هڪ قومپرست ڌر جي مرحوم جي جنھن کيس بزرگ صوفي شاعر شاه لطيف لاءِ اھڙي قسم جي دعوا ۽اظھار ڪندڙ جو پھريون سنڌي شاعر ۽ ليکڪ چيو هو!. مان هن جي ان پراڻي بنگلي جنھن کي ڏسي مون کي ٻارهين صدي عيسوي جي اسماعيلي داعي ۽ مزاحمتي بزرگ جي ايران ۾ قلعي الۡموت جو نالو اطالوي سياح مارڪو پولو جو سڏيل" Eagles nest (شاهين/عقاب جو آکيرو) "ياد ايندو اهي ۽ حسن صباح کي wise man of the East بہ سڏيو آهي ۽ هو بہ اسانجي سنڌ جو هڪ وڏو ڏاهو آھي، اتفاق سان بنگلي تي انوقت اطالوي ننڍين ٽريڪٽر جي ايجنسي جو بورڊ بہ لڳل هوندو هيو.اهو ڪمرو جيڪو ڪنھن زماني ۾ چاليھہ سال اڳ هن جي شاندار ۽ مصروف بزنس سان گڏ "برسات ميگزين، پوء اخبار جي آفيس هوندي هئي، اتي منھنجو والد جيڪو سندن بزرگ دوست بہ هو ڪجهہ وقت ايڊيٽر رهيو هو. پاڻ تمام ڪامياب ۽ سياست ۾ ڪاميابي ۽ عروج ماڻي ملڪ جو اعلى پارليماني ايوان ۾ سينٽر بہ ٿيا تہ قيد بند جون تڪليفون بہ ڪاٽيون آهن. پر، هن وقت انھي انسائيڪلوپيڊيا برٽينيڪا ۽ ڪيترين ٻين جي جلدن، ڪتابن سان سجايل بڪ شيلف واري وڏي ڪمري کي پنهجو بيد روم بہ ڪري ڇڏيو آهي، جتي انھي ٽيبل ڪرسي تي ڪمپيوٽر رکيل آهي جنھن تي هو صبح شام پنهجو لکڻ جو ڪم ڪرائيندو آهي. هن جي هڪ ڌيءَ ۽ پٽ جي اولاد آمريڪا وڃي وسايو آهي، هي بہ انھن وٽ ايندو ويندو آهي، پر آمريڪي شھري ناهي، باقي آمريڪا ۾ سندس انگريزي ۾ ڪجهہ ڪتاب مشھور اداري Amazon وارن ڇپي رکيا آهن. تن ۾ تازو Treacherous Armies of the World آھي، جيڪو سندن آڳاٽي ڪتاب Military of the World جو واڌارو آهي، انکان سواءِ Rise and fall of the gods, Rise and Fall of the langages ۽ William the Bastard انگلنڊ جي هڪ بادشاھ جي زندگي تي ڪتاب آھن،۽ ڪل ملائي ارڙهن ڪتاب سندن ڇپجي چڪا آهن.مونکي هنن پنهجو پھريون شاعري جو ڪتاب "اندر ۾ اُهاءُ ٿيو" ۽ يوناني ڏند ڪٿائون جو پاڻ ترجمو ڪيو هئائين ڏنو هيو ۽ هاڻي پنهجو هر نئون ڪتاب ٽپال هٿ مھرباني ڪري موڪليندا آهن. مان هن حضرت يوسف جھڙي خوش شڪل ۽ خوش پوشاڪ سدائين فل سوٽ ۾ ماڻھوءَ يوسف شاهين دائود پوٽي صاحب جي سامھون ويٺو هئس جنھن جون اکيون باز جھڙيون جيڪي هاڻي علالت سبب ڪجهہ ڪمزور ۽ جهڪيون ٿي لڳيون، سو چئي رهيو تہ هو پنجاسي ورهين جو ٿي ويو آهي ۽ هاڻي بس هلڻ جي (rehearsal) تياري ڪري رهيو اهي. مونکي سندس اندر جي اڪيلو پڻ جيڪو هر ماڻھو اصل ۾ سمجهيو وڃي ٿو، پر هن پنهجي اڪيلائپ لکڻ پڙهڻ خاص ڪري سنڌ جي تاريخ لکڻ جي ڪري ڪئي آهي جيئن شيخ اياز صاحب اختيار ڪئي هئي، پر هو دوستن کان ايترو خفا ٿي ويا جو هنن لکيو تہ پنھنجي ڊڪشنري مان دوستي جو لفظ ڪڍي ڇڏيو آهي. مونکي ڪجهہ سندن ٿڪندڙ پيري محسوس ڪندي لڳي تہ کين هڪ سچو ڀوڳ وارو واقعو ٻڌايم آمريڪا ۾ هڪ اچي مٿي واري مائي کي پاتل ٽي شرٽ تي وڏن ٿُلھن اکرن ۾ لکيل هيو years Old 60 سٺ سالن جي آهيان!) آن جي هيٺان تمام ننڍڙن ۽ سنھڙن اکرن ۾ لکيل هيو infact 16 yrs Old, the rest is experience ! (اصل ۾ سورهن سالن جي آهيان! باقي تجربو اٿم ) جيڪو ٻڌي هوڪجهہ مرڪيو ۽ پنھنجن اڇن وارن کي هٿ سان سنواريندي هُن جو وقتي اداس چھرو کُلي پيو. ماڻھو اندر ۾ تہ واقعي ٻار هوندو آهي ۽ ارڙهن سالن تائين قانوني ڄمار جو ٻار ليکجي ٿو جيئن سنڌي ۾ چوندا آهن تہ پڇاڙي ۾ ٻار ۽ ٻُڍو هڪ ليکبو آهي. وري بہ سندن تياري لفظ ورجائڻ تي ۽ منھنجي پڇڻ تي چيائين تہ خبر ناهي اتي، ٻي جھان ۾ الائي ڪھڙي روپ ۾ هونداسين!؟ تنھن تي مون کين ٻُڌايو تہ هڪ درويش کان اهڙو ئي سوال ڪنھن پڇيو تہ مرڻ کانپوءِ اڳئين جھان ڪھڙي منھن سان هونداسين تہ درويش کيس وراڻيو تہ تون مونکي پنھنجي ڄم کان اڳ ۾ پنھنجي شڪل ٻُڌائي تہ پوءِ مان توکي ٻُڌايان تہ مرڻ کان پوءِ ڪيئن هونداسين! .