سنڌ رھڻي آ
تون ٽوڙڻ جي ٿو ڳالهه ڪرين،
تون پاڻ ٽٽي ويندين ليڪن،
ھي جيجل ڪونه ٽٽي سگھندي،
ھي ڌرتي منھنجي سَرتي آ..!!
ھا خون ڏئي مون ورتي آ..!!
جنھن امڙ پنھنجي دامن ۾،
توکي ھو لڪايو پُٽ ڪري،
سڀ ليڪا تون ته لتاڙي وئين،
تون پينو بنجي آيو ھئين،
اڄ مالڪ ٿي پيو آھين تون،
تون رلي کڻيو پيو رلندو ھئين،
پوءِ جيجل توکي جاءِ ڏني،
اڄ اُن جو دشمن ٿيو آھين،
ڪن کولي ڳالهه ٻڌي ڇڏ تون،
ڀل زور لڳائي ڏس ڪيڏو،
تون پاڻ ختم ٿي ويندين پر،
سنڌ رھڻي آ سنڌ رھڻي آ..!!
سنڌ رھڻي آ سنڌ رھڻي آ..!!
✤✤