تلاش
اُن وڻ جيان هو..!!
جنھن کي،
پَن ڇَڻ کان پوءِ،
بھار جي موسم جي،
تمنا هوندي آهي!!
سندس جِيوَن کي،
اُن پٿر دل جي وڇوڙي،
ڪنھن وڻ ويڙهيءَ جيان،
ورائي ڇڏيو هو..!!
جنھن جون پاڙون،
نه هوندي به،
گِهرو اثر هوندو آهي!!
ها! جيڪو،
زماني جي گردش ۾،
پنھنجو سُڪون،
وڃائي چُڪو هو..!!
جنھن جي اکين ۾،
لڙڪن جو راڳ،
رهندو هو..!!
۽ جنھن جي،
خوابن کي چڪنا چُور ڪري،
احساسن کي،
انتظاريءَ جا،
تمغا ملي چُڪا هئا..!!
اڄ مون اُن شخص کي،
تلاش ڪندي ڪندي،
جڏهن..!!
آرسي ڏٺي،
ته منهنجي تلاش
ختم ٿي وئي..!!
✤✤