شاعري

دَرد گهُنگهرو ٻَڌا

احساس ميرل سَيبتو سُڄاڻ شاعر آهي، جنھن پنھنجي شاعراڻي پنڌ ۾ سٺي مڃتا حاصل ڪئي آهي، اِها مڃتا کيس وقتائتي سُندر شاعريءَ جي حوالي سان ملي آھي. احساس سچ تہ سھڻن احساسن جو شاعر آهي. پياري احساس ميرل وٽ شعري حوالي سان کوڙ سارا موضوع آهن. قوميت ۽ محبت سان گڏ هن زندگيءَ جھڙي منجهائيندڙ موضوع يا هڪ ڏُکي ڳُجهارت تي پڻ گهڻو ڪجهه سوچيو ۽ لوچيو آهي. احساس ميرل جي زيرِ نظر شعري مجموعي اندر اسان کي غزل جي صنف اندر مختلف موضوعن، خيالن ۽ احساسن جي اُپٽار نظر اچي ٿي. 

Title Cover of book دَرد گهُنگهرو ٻَڌا

ننڌڻڪا

توسان ڪابه شڪايت ناهي،
تو ته غمن جا جھول ڏنا هِن..!!
ليڪن ڏُک اِهو ئي آهي،
سورَ هزارين هڪڙو ”ميرل“
ڪيئن سنڀاليان تون ئي ٻڌاءِ..!!
هڪ کي سيني لايان مَس ٿو،
۽ ٻيو ڀَر ۾ روئي ويٺو،
سچ چوان ٿو هاڻي مُنھنجا،
ڪافي درد ننڌڻڪا آهن..!!
✤✤