شاعري

دَرد گهُنگهرو ٻَڌا

احساس ميرل سَيبتو سُڄاڻ شاعر آهي، جنھن پنھنجي شاعراڻي پنڌ ۾ سٺي مڃتا حاصل ڪئي آهي، اِها مڃتا کيس وقتائتي سُندر شاعريءَ جي حوالي سان ملي آھي. احساس سچ تہ سھڻن احساسن جو شاعر آهي. پياري احساس ميرل وٽ شعري حوالي سان کوڙ سارا موضوع آهن. قوميت ۽ محبت سان گڏ هن زندگيءَ جھڙي منجهائيندڙ موضوع يا هڪ ڏُکي ڳُجهارت تي پڻ گهڻو ڪجهه سوچيو ۽ لوچيو آهي. احساس ميرل جي زيرِ نظر شعري مجموعي اندر اسان کي غزل جي صنف اندر مختلف موضوعن، خيالن ۽ احساسن جي اُپٽار نظر اچي ٿي. 

Title Cover of book دَرد گهُنگهرو ٻَڌا

حياتي

هَلِي گاڏي حياتيءَ جي،
مسافر کوڙ چڙهيل هئا،
جتي جنھن جي هُئي منزل،
اُتي بس پاڻ بيھي وئي،
وري اڳتي هِلي ٿورو،
اِجھو سڏ ٿيو مسافر کي،
لھي ويو ڄڻ هيو ئي نه..!!
سفر هي زندگيءَ جو آ،
اُنھيءَ ۾ پاڻ ڀي آهيون،
حياتيءَ جي اِها گاڏي،
ڪڏهن مون لئه به بيھڻي آ،
ڪڏهن تو لئه به بيھڻي آ..!!
✤✤