پيارُ توسان ڪَيو زِندَگيِ تو ٺَڳيو
ڏوھُہ ڪَنھِن کي ڏيان، چئہ چَريِ تو ٺَڳيو
چَنڊ، تارا، ڏِئا بي وَفا، بي حَيا
ڇا اَنڌيرَن ڪَيو، روشنيِ تو ٺَڳيو
سَنتَ، دَرويشَ، ساڌوُ، رِشي ۽ مُني
ٿي پِيا سَڀُ چَريا، ڇوڪريِ تو ٺَڳيو
سارَ تُنھِنجي لَڌيِسيِن سَدائين گهَڻيِ
بي حَيا نَقد جيِ ڳوٿريِ تو ٺَڳيو
ساھَہ ۾، روحَ ۾ تاتِ تُنھِنجي پِرين
مُشڪَ، ڀاڪيِ، چُميِ، تِشنگيِ تو ٺَڳيو
ڳالھہ تُنھِنجيِ مَڃي، تاتِ تُنھِنجيِ ڇَڏي
تون اِھا ڳالھہ رَکجان ڳُجهيِ تو ٺَڳيو